| Na tym naszym czornym Slonsku tak jak wszyndy kwitnom kwiotki, ale nikaj niy treficie takij piyknyj jak tu godki. To lona mie prziwitala jak na Bozy Swiat zech prziszol starka z mamom tak godaly od nich piyrszy zech jom slyszol . Naszo piykno slonsko godko, keros wieki nom przetrwala, kwitnij dali moja zloto co bys dycki tu zostala Autor: Bogdan Dzierzawa ODA DO ŚLĄSKIEJ GWARY Gwaro nasza, śląsko gwaro, zabić Cie nie idzie. Kto tu rządził, to próbowoł i zawsze plajtowoł. Jedni siłą próbowali, tłumy przesiedlali. Ty zaś wszyskich pokonałaś, żywa pozostałaś. W szkołach uczyli nas mówić, piyknie recytować, a na przerwach my godali, bery łosprowiali. Farorz mówił, rechtor mówił, w urzędach zmuszali. My zaś w domach i na placach Ciebie używali. Najdziwniejsze jest, że tyn co mioł Cie zlikwidować, nie kapnoł sie kiedy som w godce zaczoł Cie stosować. Gwaro nasza, Śląska Gwaro, coś dziadom służyła, tu na Śląsku nam zostaniesz i wnukom posłużysz. A jak sie kto na Ciebie porwie i bydzie kasowoł !!! he he he he heee niech spróbuje, to splajtuje i tysz bydzie godoł. Och Gwaro nasza ! Nasza Śląsko Gwaro ! Autor: Eugeniusz Kluczniok |
" Godej jak umiysz - ino godej "
| 150X150 |
Sztrofki,wyliczanki i inksze rymowanki.
| Copyright ©2008 SlonskoGodka.com - Wszelkie prawa zastrzeżone |
WROCLAW
OPOLE
KATOWICE
|
SLONSK
 |
 |
 |
 |
 |
 |
 |
 |
 |
 |
 |
Dziynkujymy wszystkim kerzy
do nos napisali i cos po slonsku
dociepnyli.
A szczegolnie :
Ireneusz G. z Katowice
Bronislaw Watroba
Bojan
R.Labiak
Jeszcze roz dziynkujymy.
Bez wos tych stron by niy bylo.
do nos napisali i cos po slonsku
dociepnyli.
A szczegolnie :
Ireneusz G. z Katowice
Bronislaw Watroba
Bojan
R.Labiak
Jeszcze roz dziynkujymy.
Bez wos tych stron by niy bylo.
SZUKEJ - TUKEJ / SEARCH
| NO SPAM - You spam, you out. No SPAM - Ty spam - ty rałs. Niy tolerujymy spamowiczów. Jak spamójesz to twój IP address zablokujymy. Ani do nos ani do naszych gości i przijaciół spamu wysyłać niy wolno. Kropka. |
Czytej, az mi serce rosnie jak widza wiela tego jest.
Pomalutku, powolutku jak ta ciuchcia sie rozpyndzomy, ale warto bylo.
Teraz juz sie zatrzimac niy do.
Ludzie piszom i szkryblajom, piykne sztrofki durch dodajom.
Serce rosnie pelno dumy, ze slonzokow tela momy.
Dziynkujymy
Pomalutku, powolutku jak ta ciuchcia sie rozpyndzomy, ale warto bylo.
Teraz juz sie zatrzimac niy do.
Ludzie piszom i szkryblajom, piykne sztrofki durch dodajom.
Serce rosnie pelno dumy, ze slonzokow tela momy.
Dziynkujymy
| Bojan Ktos Ty je ? Slonsko glowa ! Skad pochodzisz ? Z Bojanowa ! Bojanow to pjykno wies ,od malego o tym wjysz ! Tu mjyszkali opa oma,tu jo je doma ! Tu mjyszkajom mama tata ,tu jo spyndzil mlode lata! Tu miol jo swoje tajemnice ! Tu byly hasermony,babyjagi,rojbry,klynkanice ! Klynkanica czorno zmora zbierala dzieci do wielkiego wora kazdego wieczora ! A hasyrmon w naszej Cinie dycki pjyknie grol na mandolinie ! Tu rojbrowaly dwa bandziory,a po nocach lotaly czorne zmory ! Tu widziano jezdzca bez glowy,o tym juz dzisiej nie ma zodne mowy! Tu zatonyla pewno ksiezna ze swoja karocom przejyzdzajonc przez moczary,a bylo to nocom ! Tu skarb Piotra i Pawla ukryty momy i zodnymu go nie domy! Som to skrzynie zlota,pjykne dzbany i swjyczniki,o tym zapmnieli juz historyki ! Skarb tyn to je wielko tajemnica,a gdo go skradnie grozi mu szubienica ! Tu tez babyjagi se smykaly i po nocach do okien zaglondaly ! Tu zalozyla swoj konwent zakonny Eufemia z Raciborza,taka to byla wola Boza ! Tu w powstaniach chlopskich walczyly nasze przodki, o tym tesz juz dzisiej nima gotki! Tu w kosciele wisi Matka Boza Kodynsko,kiero przywjyz Jan III Sobieski jadonc na Odsiecz wjedynsko ! Tu rozlegajom se pjykne widoki na dolina,przez kiero plynie nasza Cina ! A w dali widac pasma gor,siegajacych az do chmur ! Tu gospodorze zymja swoja uprawjajom,no i ptoki tak pjyknie sam spjywajom ! Tu bociany kozdego roku powracajom i swoje gniozda zaklodajom ! Jednak ludzie stond czynsto wyjyzdzajom i w dalekim Swiecie szczynscio szukajom i o Bojanowie zapominajom ! Bojanow to je ale tako pjykno okolica, ze wiekszosc z nich tu powroci! Na to dowom wom moja objetnica ! Kochłowicko legynda W grodku nad Kochłowkom Kochlowiusz se siedzioł Żył tukej spokojnie w bogactwa dostatku Ło srybrze w piwnicach możno ktoś i wiedzioł Dyć zły tref z Tatarym prziszoł na łostatku Grodek był malutki - bestoż słabo bronioł Dziedzice niy żyjom sługi przepyndzone Frelka dyć łostała co Azjata gonioł Cera Kochlowiusza - dni jyj policzone Gryfność kero piyrwyj zdo sie szczyńściym była Terozki utropom aże ślintać czeba Czambuł mioł uciecha niym śmierć jom skosiyła Czy dusza sie jeji wybrała do nieba? Ciało na Widuchu ludzie pochowali Przi mogile kamiyń wielki położyli I ze strachu w nocy tam niy zapuszczali -Rożne dziwy ło tym starzyki prawiyli. Bronisław Wątroba Pan Hilary Loto, tyro pan Hilary, do dekla mu piere Bo kajś ten boroczek posioł swoi brele. Szuko w galotach, kabot obmacuje, Przewraco szczewiki, psińco znajduje. Bajzel w szranku i w byfyju Tera leci do antryju. "kurde" - woła - "kurde bele! Ktoś mi rombnoł moi brele!" Wywraco leżanka i pod nią filuje, Borok sie wnerwio, gnatow już nie czuje. Sztucho w kachloku, kopie w kredynsie, Glaca spocona, caly się trzynsie. Pieroński brele na amyn kajś wcisnyło Za oknym już downo blank sie sciymniło Do zrzadla oroz zaglondo Hilary- Aż mu po puklu przefurgły ciary. Spoziyro na kichol, po łepie sie puko, Bo znejdly sie brele - te, co tak ich szukoł. Czy to ni ma gańba? - Powiydzcie sami, Mieć brele na nosie a szukać pod ryczkami. Lokomotywa! Jest na banhowie ciynszko maszyna Rubo jak kachlok - niy limuzyna Stoji i dycho, parsko i zipie, A hajer jeszcze wongiel w nia sypie. Potym wagony podopinali I całym szwongym kajś pojechali. W piyrszym siedziały se dwa Hanysy Jeden kudłaty, a drugi łysy, Prawie do siebie niy godali, Bo się do kupy jeszcze niy znali. W drugim jechała banda goroli Wiyźli ze soba krzinka jaboli I pełne kofry samych presworsztóf I kabanina prościutko z rusztu. Pili i żarli, jeszcze śpiywali, Potym bez łokno wszyscy rzigali. W czecim Cygony, Żydy, Araby A w czwartym jechały zaś same baby. W piontym zaś Ruski. Ci mieli życie! Sasza łożarty siedzioł na tricie. Gwiozda mioł na czopce, stargane łachy, Krziwiył pycholem i ciepoł machy. A w szóstym zaś były same armaty, Co je wachował jakiś puklaty. W siódmym dwa szranki, pufy, wertikol, Smyczy maszyna może donikąd. Jak przejyżdżali bez Śląskie Piekary Kaj wom to robiom kółka do kary, Maszyna sztopła! Kufry śleciały I każdy latoł jak pogupiały. To jakiś ciućmok i łajza! Ciupnął i ślimtoł sygnal na glajzach. Mog iść do haźla abo do lasa, Niy pokazywać tego mamlasa! Potym mu ale do szmot nakopali, Maszyna ruszyła, cug jechoł dali. Bez pola, lasy, góry, tunele, Dar za sobom samym te duperele Aż się zagrzoły te biydne glajzy, Maszyna sztopła i koniec jazdy. Źródło: Dziennik Zachodni nr 278, 29 listpada 2002 roku, str. 8 Murzinek Bambo W Africe miyszko Bambo, Murzinek, Blank czorny, mały lokaty synek. Czorno mo matka, łojca czornego, Ujka i ciotka, dziadka i ... kozdego. Mo piykno chałpa - by ją zbudować trza mieć patyki, deski i trowa. Bo przeca lepszyj chałpy nie trzeba Jak sie rok caly hyc leje z nieba. Bestoż to sagie są Afrykony I mało kery je łobleczony. Bestoż fest dużo se uszporują Bo czopek, mantli...nic niy kupują. Bambo Murzinek to mądry synek.... I niy mo w szkole samych jedynek. Bo sie mądrości wkłodo do gowy W swyj afrykońskij szkole ze trowy. W szkole tyj niy ma ławek, tablicy I gimnastycznyj sali - by ćwiczyć. Tam wszyscy afrykońscy szkolorze Mają sie od nos troszyczka gorzyj, Bo brak im heftów, taszy z książkami, Bestoż po piosku piszą palcami. Lecz skuli tego tyż fajnie mają, Bo im nic do dom niy zadowają! Jak już Murzinki w szkole głód mają To przerwa robią i se śniodają. Ale niy mają tasz ze sznitami, Ani sklepiku ze kołoczkami. Głodny Murzinek se w las zaleci, By se na drzewie fest pomaszkecić. Może se urwać figi, daktyle Lub po banany na drzewo wylyźć. A jak go suszy to zamiast Coli Na fest sie wielko palma wgramoli, Kaj sie napije bardzo zdrowego, Mlyczka z łorzecha kokosowego. My tu na Śląsku, czy tam daleko, Za siódmom górą, za siódmom rzeką... Mieszkają ludzie - kożdy w swym domu I to niy wadzi przeca nikomu, Że jedyn jy kołocz a inny daktyle. Porozmyślej o tym choćby przez chwilę! Paulek i Gustlik (na podstawie bajki Aleksandra Fredry .Paweł i Gaweł.) Paulek i Gustlik razym se miyszkali. Swady niy mieli, ani sie niy prali, Bo Gustlik to chop pieronym spokojny. Niy cis sie nigdy ku swadzie, do wojny. Dycki gazeta czytoł lub groł w szkata, Bądź se legnął, jak to na stare lata. W swyj izbie na wiyrchu był w niebo wziynty, Jak mioł co lubioł, czyli spokój świynty. Paulek w tyj chałpie na dole mioł izba I choć do tego niy chcioł sie prziznać, Waryjot z niego był fest pofyrtany. Myśliwca udowoł dycki nad ranym. Trąbioł w goń sygnały, chytoł hazoki, Na fazany szczyloł i inne ptoki. Lotoł drap przy tym z izby do antryja I na leżanka skokoł ze bifyja. Biydok Gustlik skiż tego wyrobiania, Gowa mioł wielgo jak na jesiyń bania. Leci po prośbie: Pauleczku kochany! Byćże tak choć ciszyj trocha nad ranym, Bo żyje sie ciynżko i usnąć niy idzie. Czamu rojbrujesz tak bez cołki tydziyń? A Paulek na to: Ciś stąd gupia małpo, Przeca se moga co chca robić z chałpą! Możno dwa tydnie od zdarzynio tego, W tyj chałpie dzioło sie coś blank inkszego. Paulek sie jeszcze pod pierzinką grzeje I mu sie na łeb coś z gipsdeki leje. Bestoż klnie zmierzły i ślypia łotwiyro, A tu je mokre praje cołkie wyro. Drap na góra leci fest znerwowany, Że niy poradzi poleżeć nad ranym. Klup! Zawrzyte dźwiyrza. Bez dziurka kuknął I praje zarozki z nerwów niy puknął. Co ujrzoł? Woda? Co to je? - sie pyto. Czamu ty Gustlik w chałpie ryby chytosz? Na co woda w izbie i guminioki, Na co wędki, kibel, hoczyk, chroboki...? A Gustlik na to: Ciś stąd gupia małpo, Przeca se moga co chca robić z chałpą! Taki z bojeczki tyj morał płynie: Gdyś wieprzkiem - inni ci jak świnie! Kiedyś na Ślonsku Kiedyś na Ślonsku cołkimi dniami, bjoły hanysy sie z gorolami. Z godki szło poznać kery je kery, bezto sie prali jak indjanery. Chłopy z chłopami, baby z babami, tłokli sie solo i rodzinami. Chude szkelety, wyżarte byki furgaly kable i scyzoryki. Różne tu boły łomoty i trzaski, lamynty, przeklyństfa, skomlynja i wrzaski. W końcu Pon Boczek te larmo usłyszoł, poważnie sie wnerwioł i wszystkich wymiyszoł. Malice doł Zynka, Zbychowi doł Hajdla, wcisnoł gorola rodzinie łod Zajdla. Hanysa kupjoła se baba z Rzeszowa, wdowa po jednym górniku z Knurowa. Jygna łod Dziubów wyszła za wdowca co Gierek w aktówce go przywióz ze Sosnowca. Ginter kobjytka wzion se z Czeladz, Pon Boczek pedzioł: że se poradzi. Ksiegowo Kowalsko co mieszko w bloku dostała Hanysa banioka z przetoku. Zep z warszawiankom krótko jest w związku, a juz zajyżdżo dziołcha po ślonsku. Bajtle zaś łod nich próbują mówić i choć to krojcoki dajom sie lubić. Małe hanysy lubiom fandzolić jak chcom znerwować małych goroli. I teroz już wszyndzie, w kościele i szkole, som i hanysy, som i gorole. Jedni chcom drugim sie przypodobać, bo hanys chce mówić, a gorol godać. Kiedyś na Ślonsku cołkimi dniami, bjoły hanysy sie z gorolami. Z godki szło poznać kery je kery, bezto sie prali jak indjanery. Chłopy z chłopami, baby z babami, tłokli sie solo i rodzinami. Chude szkelety, wyżarte byki furgaly kable i scyzoryki. Różne tu boły łomoty i trzaski, lamynty, przeklyństfa, skomlynja i wrzaski. W końcu Pon Boczek te larmo usłyszoł, poważnie sie wnerwioł i wszystkich wymiyszoł. Malice doł Zynka, Zbychowi doł Hajdla, wcisnoł gorola rodzinie łod Zajdla. Hanysa kupjoła se baba z Rzeszowa, wdowa po jednym górniku z Knurowa. Jygna łod Dziubów wyszła za wdowca co Gierek w aktówce go przywióz ze Sosnowca. Ginter kobjytka wzion se z Czeladz, Pon Boczek pedzioł: że se poradzi. Ksiegowo Kowalsko co mieszko w bloku dostała Hanysa banioka z przetoku. Zep z warszawiankom krótko jest w związku, a juz zajyżdżo dziołcha po ślonsku. Bajtle zaś łod nich próbują mówić i choć to krojcoki dajom sie lubić. Małe hanysy lubiom fandzolić jak chcom znerwować małych goroli. I teroz już wszyndzie, w kościele i szkole, som i hanysy, som i gorole. Jedni chcom drugim sie przypodobać, bo hanys chce mówić, a gorol godać |
| Tukej byly sztrofki autora R.Labiak Bydom nazot jak blyndy zostanom usuniynte. Na dobranoc - ło pomorskich purtkach ================== Spotkoł zech purtka roz w Kopalinie Przeca se szwyndo po cołki gminie Pytom dyć djoska ło jego miano A łon mi na to - Dowiysz se rano! Budzi mie słonko - we pryku leża Jakoś istnymu richtig niy wierza Aż naroz ślubno głośno mi ryknie Wstowej już lebrze! Gnicio ci styknie! -- Purtek Leber Choczewski purtek mo Lebra miano To ci uciecha tukej mi dano Czasym se gaftom na lewo noga Czy jo istnego zastompić moga? -- "Leber Mały" We choczewski gminie purtki se spotkały Kery z nich jest wielki, a kery zaś mały? Tako uradziyli by ciepać kamynie Kto trefi nojdali nojwyrszym w dziedzinie Dyć prawie że wszyske do morza wleciały Leber trefioł w Morsko stond przezwisko - Mały. Autor: Bronisław Wątroba FRASZKI PO ŚLONSKU Jedyn orzeł, ptok nad ptoki, Umysł mioł niezbyt szyroki. W telewizjo ślypia wlepiył, I tak swoja dusza krzepiył. Połoglondoł kryminały, Pogupiały serial cały, Komedyje i horrory, Film fantasy i love story. Dyć łod tego łoglondanio, Zmiynił sie niy do poznanio, I zmarniał, że patrzeć przikro. Hnet tyż skrzydła mu zaniknom. Ciotka Trudka w Niymcach miyszko Pakety jak było ciynżko Nom do Polski przisyłała A dzisiaj się pogniewała Ale ło co ciotce chodzi Że nom lepij się powodzi. Fest się baba przikozała Łod dziś byda szporowała Koniyc z szinkom i wosztami I inszymi gupotami Ale jutro zmiyni zdanie Jak przi fajnym sklepie stanie Łod roboty pokrzywiony Poszoł starzik na pyndzyjo Dyć hned umar umynczony Marudzyniym do znudzynio Bo z chopami som kłopoty Jak niy styknie im roboty Coby smak na jabka zabić Poszed Hynio jabka habić Ale somsiod go wystraszoł Jak na drzewie siedzioł z taszom I jak uciekoł bez płoty To potargał się galoty Te życie to sztyjc kłopoty Już mom wszystkie ciasne bluzki Bo lubia rolady i kluski I modro kapusta i sos … Jym to dziś ostatni roz. Dodol : Ireneusz G. z Katowic |
TM